Pendent la jornada se presentèron divèrses estudis subre la gestion de l’aiga. Tanben se parlèt subre “Volontariat e las fèmnas se molhan”, e se profeichèt per explicar lo projècte Guratrans als agents socials amb qui s’iniciarà lo procès d’informacion e participacion publica.
Lo Govèrn de Navarra, per mejan del Centre de Ressorgas Ambientalas de l’Environament de Navarra (CRANA), signèt divèrsas convencions amb las comunas de Batzan, Beran, Lesaka e Santesteban, dins l’encastre d’aquel projècte. Aquelas convencions permetran desvolopar actuacions: estudis subre gestion de l’aiga dins l’encastre fluvial, audit de l’environament e divèrsas activitats de participacion publica que cercaran desvolopar l’educacion e sensibilizacion de l’environament de la ciutadania en la conservacion e recuperacion dels ecosistemas, atal coma integrar los divèrses elements que intervenen dins lo cicle idrologic. La valor conjunta de las activitats previstas dins de las convencions signadas s’eleva a un total de 80.900 €.
Guratrans es un projècte europèu per la gestion integrala e participativa dels rius Araxes, Bidasoa, Leitzaran, Nivelle e Urumea, situats a l’extrèm occidental dels Pirenèus. Es sostengut economicament al 65% amb fonzes FEDERS per mejan del POCTEFSA e son còst, incloent totas las accions en los divèrses mitans geografics, s’eleva a 1.240.014,07 €.
