Lo Còrum de Montpelhièr aculhirà del 28 al 31 de març de 2010 la Conferéncia Mondiala sus la recèrca agricòla pel desvolopament.
Aquesta granda consultacion de nombroses actors a per tòca d’escambiar sus las estrategias de programacion de la Recèrca Agricòla pel Desvolopament e de las articular entre elas en mobilizant las principalas partidas interessadas del sistèma de recèrca agricòla internacional.
Gaireben 500 participants, venguts d’un centenat de païses del Nòrd e del Sud vendràn a aqueste rencontre (centres de recèrca del Sud e internacionals, balhaires de la recèrca pel Sud, representants de governaments, d’organizacions internacionalas, de fondacions, etc.)
Programa provisòri de la conferéncia:
|
Data
|
Tèma principal de la jornada
|
|
28 de març de 2010
|
Intervencion de responsables de naut nivèl en sosten a la recèrca agricòla internacionala, a l’innovacion e al partatge de las coneissenças.
|
|
29 de març de 2010
|
Resultats de las consultacions regionalas realizadas en 2009, grands enjòcs del desvolopament, ròtle e impacte potencial de la recèrca: estrategias e prioritats.
|
|
30 de març de 2010
|
Utisses e càmbiaments necessaris per que la recèrca aja mai d’impacte sul desvolopament: apòrts de la recèrca, novèls partenariats, prospectiva, ròtle dels païses emergents, formacion. (Jornada animada per França e sos partenaris europèus.)
|
|
31 de març de 2010
|
Solucions possiblas e vias per i arribar. Cossí trabalhar melhor amassa, totis actors implicats: discutida del plan d’accions, de l’organizacion e de la governança.
|
La jornada que França e sos partenaris europèus animarà s’articularà a partir dels tèmas seguents:
· Dialòg entre joves cercaires suls tèmas de l’innovacion e de l’integracion
· “Open scicence”: qualques exemples de recèrcas d’interfàcia novèlas
· Los mejans per melhorar la recèrca en partenariat
· Los estudis prospectius per esclairar las causidas estrategicas
· Lo ròtle novèl dels païses emergents dins la recèrca agricòla internacionala
· Lo refortiment de las capacitats en recèrca agricòla pel desvolopament
· Remesa del primièr Prèmi Louis Malassis de la Recèrca
Se presentarà tanben una exposicion permanenta vodada als “Enjòcs del desvolopament en Mediterranèa”.
Accessibla pendent tota la conferéncia, permetrà d’illustrar a travèrs exemples concrets centrats sul bacin mediterranenc, los grands enjòcs actuals en matèria de desvolopament agricòla e alimentari (la gestion de l’aiga; la fertilitat e l’erosion dels sòls; l’evolucion de l’alimentacion en relacion amb la nutricion e la santat; l’aumentacion de las produccions agricòlas tot en contribuint a un desvolopament sostenible; las intereaccions entre agricultura, biodiversitat e environament).
Informacions practicas
Contactes
Yves Savidan, Agropolis International
Tel: +33 (0)467047569
Corrièr electronic : gcard@agropolis.fr
