Dempuèi sa creacion en 1981, lo festival internacional Montpellier Danse es lo rendètz-vos privilegiat dels mai grands coregrafs. Aqueste festival convida a descobrir las evolucions de la dança contemporanèa internacionala e amassa cada estiu los artistas que fan l’actualitat de la dança.

Lòc unic de creacion e de difusion artisticas, lo festival internacional Montpellier Danse permet de descobrir novèls talents. Aqueste floron de la cultura en region Lengadòc-Rosselhon es un rendètz-vos que cal pas mancar.

Lo repertòri especializat dins la dança contemporanèa va del classic a l’experimental en passant per las formas tradicionalas e pel hip hop.

Lo festival s’inscriu dins la complexitat internacionala e mòstra los ponts artistics e geografics que la dança establís entre los continents, coma un resson de las identitats coregraficas exprimidas dins lo bacin mediterranèu, en Euròpa e dins lo mond.

La 30ª edicion del festival internacional Montpellier Danse, que se tendrà del 18 de junh al 7 de julhet de 2010 prepausa una programacion particularament rica per festejar aqueste aniversari. Al programa, entre autras causas, “Entre chien et lop” (Entre gos e lop), un projècte coregrafic d’Anne-Marie Poras, francesa d’origina andalosa e de Salia Sanou del Burkina-Faso. Mès tanben, Germana Civera, William Forsythe, Merce Cunningham, Anne Teresa de Keersaeker…

Informacions practicas

Contactes

Montpellier Danse
18, carrièra Santa Ursula BP 2019
34000 Montpelhièr
Tramway : Louis Blanc

Tel. : +33 (0) 899 651 381 (1.34E+0.34E/Mn)
Fax : +33 (0)4 67 60 83 06

Reservacions
Del diluns al divendres: 13h00 – 18h00 a Montpellier Danse.

Siá :
– per internet: www.montpellierdanse.com
– per telefòn: +33 (0) 800 600 740

Telecargar lo programa