Segon l’opinion de totes, aquela primièira es un pariatge ferme sus las novèlas energias. Aquel projècte es tanben lo començament de la modernisacion d’aquela zona industriala del Polígono 27 per ne far una zona entreprenoriala orientada cap a la novèla economia. La singularitat de la concepcion del bastiment e son caractèr bioclimatic son doas caracteristicas fondamentalas per ne far un centre d’innovacion referent.
Enertic es un bastiment destinat a las entrepresas de las energias renovelablas e de l’eficacitat energetica, e respond als besonhs identificats pel cluster del sector. Lo delai d’execucion de l’òbra es estimat a 16 meses. Aquel edifici bioclimatic dispausarà de 12.000 mètres carrats de surfàcia siá una capacitat de 55 entrepresas, mai d’espacis comuns per de reunions, conferéncias, formacions… Tot aquò sus 6 estatges.
Aquel projècte a per objectiu de contribuir al desvolopament transfrontalièr del sector de las energias renovelablas. D’un montant previsional de 4 153 847 €, aquel projècte es finançat à 65% pel fons FEDER, dins l’encastre del programa europèu transfrontalièr POCTEFA. Lopartenari costat francéss del Fomento de San Sebastian es l’Associacion Euskal Eureka. La vila de San Sebastian es tanben partenari d’aquel projècte.
