Dins los territòris frontalièrs, de milions de personas evoluan dins çò que conven d’apelar de bacins de vida. E i trabalhan tanben. Pr’aquò, força es de constatar que dins los domenis de l’emploc e de la formacion, la cooperacion trasfrontalièra demòra malaisida. Sus Aquestes temas, de nombrosas iniciativas son presas dins las zonas frontalièras, que siá al travers dels ostals de l’emploc, dels servicis publics de l’emploc, de las colloctivitats localas, de las associacions. Mas, aquestes raprochaments repausan sovent sus l’iniciativa locala, sus la bona volontat dels actors.
Aitali, aqueste collòqui sera l’escasença d’identifiar e de recensar las experimentacions e las bonas praticas qu’existon dins las diferentas zonas frontalièras, de veire cossí los obstaclos pòdon èsser susmontats. Al final, s’agís bel e ben d’abordar l’avenir de las zonas frontalièras. Cossí organisar aquestes territòris per assegurar l’innovacion dins las praticas sul mercat del trabalh ? Quals son los apòrts necessaris per fin qu’aquestas zonas frontalièras vengan d’aglomeracions frontalièras vertadièras a fòrt potencial economic ?
Dins lo quadre d’aqueste collòqui, la CTP participara als debats sus la question de la formacion professionala, notadament en presentant dos projectes delsvolopats dins lo quadre del programa europeu POCTEFA (Programa operacional de cooperacion territoriala Espanha-França-Andòrra 2007-2013) :
– PIREFOP – Pirenèus formacion professionala, qu’a per objectiu de melhorar la transparéncia e reconeissença de las qualificacions professionalas e favorisar la difusion d’innovacions e de saber-far en matèria de Formacion Professionala, pel desvolopament d’un mercat de trabalh trasfrontalièr francò-espanhòl.
– EICT-Eurò-institut catalan trasfrontalièr que visa la mesa en plaça d’un esploch de formacion trasfrontalièr comun associant las doas universitats partenarias (Perpinhan e Girona) e referentas del territòri que permet de respondre als enjuòcs novèls de cooperacion d’aquesta zona.
Telocargatz lo programa (en Francés)
