Atades Huesca (Aragon) e Suerte (Aquitània) son d’entitats sens tòca lucrativa qu’an la tòca de promòure, fomentar e balhar de sosten a tot tipe d’accions orientadas a melhorar la qualitat de vida de las personas andicapadas en desparièrs encastres: abitatge, emplec, santat, educacion, léser, espòrt, autonomia personala e sociala…
Aquelas doas d’organizacions collabòran dempuèi divèrsas annadas, entre d’autres, a travèrs del Programa de Cooperacion transfrontalièra Aragon – Aquitània
Participan tanben amassa en un projècte POCTEFA apelat D+COMFOR programat en febrièr de 2012, qu’es orientat a melhorar las competéncias professionalas dels trabalhadors del sector de las personas andicapadas mejançant l’establiment d’una seguida de perfils professionals e lo dessenh d’un avient sistèma de formacion continuada. I participan, al delà d’aquelas doas entitats, dos sòcis navarreses e un autre de la region d’Aquitània.
Amb aquela Convencion de cooperacion, los dos de sòcis aprigondisson dins la lor cooperacion transfrontalièra, e fan qu’aqueste procès venga una experiéncia cabecièra del sector quant a l’internacionalizacion de la comercializacion de produches realizats per las personas andicapadas. Se prevei que meten en comun lo ret de distribucion d’aqueles produches e aital far mai grand lo mercat.
La signatura d’aquela convencion es prevista pel 17 de setembre de 2012, al tantòst, a Biàrritz. An confirmat la lor preséncia, entre d’autres, lo cònsol de Biàrritz, Didier Boratra; lo vicepresident de la region Aquitània, François Maïtia; la consolessa d’Òsca, Ana Alós; e d’autres responsables del projècte.