Lo darrièr dijòus 20 de novembre se debanèt en Irun la jornada de presentacion de resultats del projècte RESOT amb lo títol “Construccion d’un Territòri Socialament Responsable: Bidasoa – Lapurdi”. A l’eveniment de clausura d’aquel projècte POCTEFA assistiguèron mai de 70 personas en representacion dels actors qu’an participat de qualque manièra dins son desvolopament.
La principala accion desvolopada en l’encastre d’aquel projècte de cooperacion es estada la realizacion, de la part dels agents de la Comarca transfrontalièra, d’un diagnostic dels besonhs del territòri transfrontalièr amb l’objectiu de materializar los resultats en projèctes concrèts.
Pendent la jornada de clausura intervenguèt Ludovic Lareynie, gestor de projèctes del POCTEFA, per presentar las linhas principalas de çò que serà lo periòde que ven de programacion POCTEFA 2014-2020.
