Los sòcis del projècte transfrontalièr PATRIM II organizèron aquelas jornadas amb l’objectiu de formar en l’usatge dels malhums socials e los nòus espleches de difusion als responsables dels centres culturals inscriches (o susceptibles de s’inscriure dins l’avenidor) en lo Malhum Toristic Pirenenc de Centres Patrimonials, creat dins l’encastre d’aquel projècte europèu.

Jean-François Audiquier, cap de projècte de l’Agéncia Regionala de Desvolopament Sostenible (ARPE Miègjorn-Pireneus) ensenhèt als assistents qué e cossí comunicar a travèrs de Twitter e Facebook, mentre que la responsabla de patrimòni e cultura del castèl-observatòri de l’Abadiá d’Hendaia, Céline Davadan, lors aprenguèt en la forma d’escriure e compausar los comunicats e lòts de premsa per de futuras exposicions.

Entre los assistents se trobavan tecnicians de Patrimòni, Torisme, Cultura e Desvolopament de divèrsas comarcas aragonesas e responsables de musèus e centres d’interpretacion del patrimòni d’Espanha e França.