Aquela vesita fa partida d’un estudi realizat dins l’encastre del Parlament Europèu per incorporar la Politica Regionala de l’Union Europèa (UE) dins un contèxt mai internacional e en la politica de cooperacion amb de païses tresens de l’UE. Descriu tanben una fuèlha de rota per la Cooperacion Transfrontalièra en America Latina, en collaboracion estrecha amb l’UE e d’autres sòcis europèus. S’organiza en cooperacion amb l’Associacion de Regions Frontalièras Europèas (ARFE), e finançat per Direccion Generala de Politica Regionala de la Comission Europèa. La tòca de l’amassada es d’escambiar d’informacions e de bonas practicas sus l’experiéncia de l’establiment e mesa en marcha de la politica de coesion.
En aquel encastre los visitants anaràn a Navarra, Jaca e Euskadi. Se lor presentarà cossí se gestiona lo programa de cooperacion Transfrontalièra POCTEFA e tanplan qualques projèctes concrèts que sián mai que mai considerables: de projèctes d’innovacion, de cooperacion empresariala, cooperacion entre las universitats, de gestion durabla de recorses naturals… Se presentarà en detalh lo POCTEFA, lo sieu genèsi, la gestion fòrt interessanta per eles perque es una gestion descentralizada, mai que mai pr’amor que pendent aquel viatge en Espanha visitaràn tanben lo Programa Operatiu de Cooperacion Transfrontalièra Espanha Portugal (POCTEP) 2007/2013, programa de gestion centrala.
L’idèa de trasladar l’iniciativa a aquesta region se basa sus l’idèa que los païses de l’America Latina grandisson en las relacions frontalièras e pòdon aprofiechar l’experiéncia dels païses europèus e la lor coneissença per desvolopar de nòvas practicas e ne melhorar las relacions.