Pendent la jornada se presentaran los quatre programas de cooperacion territoriala europèa coneguts coma INTERREG ont i participa la region. Atal, se facilitaran las claus per la preparacion de projèctes de cooperacion transfrontalièra.
Amb aquela tòca, s’an organitzat tres talhièrs relacionats amb subjèctes coma la recèrca, l’innovacion e lo desvolopament tecnologic e economic; la proteccion de l’environament e lo desvolopament sostenible dels territòris; e lo capital uman e la inclusion sociala.
Atal, dins la jornada i participaran promotors e gerents de projèctes que presentaran son experiéncia e ajudaran a respondre los dobtes dels interessats. Ludovic Lareynie, gerent de projèctes del Programa de Cooperacion Territoriala Espanha-França-Andòrra (POCTEFA), presentarà las caracteristicas principalas d’aquel Programa, sas prioritats e las possibilitats de sostén qu’oferís.
L’eveniment es adreçat a universitats, centres de recèrca, associacions, entrepresas o institucions publicas –entre d’autras organizacions- interessadas en lo desvolopament de projèctes de cooperacion territoriala europèa e que desejan conéisser las possibilitats de finançament que son a sa disposicion. Se siás interessat pòdes presentar ton inscripcion a travèrs d’aquel ligam.
