Fàcia a aquelas doas annadas que vénon, lo nòu president a declarat qu’en collaboracion estrecha amb totes los sòcis de la CTP, desvoloparà l’activacion de projèctes estructurals per afavorir lo desvolopament economic e social de l’espaci pirenenc e de las zònas litoralas qu’integran lo territòri de la Comunautat de Trabalh.
Entre sas prioritats, mencionèt l’aprigondiment e melhora de las règlas de gestion del Programa INTERREG V-A Espanha-França-Andòrra (POCTEFA) 2014-2020 dins l’encastre d’un usatge lo mai eficient possible del Fons Europèu de Desvolopament Regional (FEDER). Atal, declarèt que la Comunautat de Trabalh dels Pirinèus prepausarà nòus projèctes que confirmen sa tòca d’activar accions en tot l’espaci pirenenc que sián profeichosas per tot lo monde.
Alain Rousset s’es engatjat, tanben, a desvolopar lo trabalh de l’Observatòri Pirenenc del Cambiament Climatic a travèrs de la cooperacion entre cercaires dels dos costats de la frontièra per analizar lo rescaufament global e sos efièchs dins lo massís pirenenc.
Aquel es lo segond còp qu’Alain Rousset presidís l’organisme, car exerciguèt aquel pòst entre 1999 e 2001.
La presidéncia de la Comunautat de Trabalh dels Pirenèus es un pòst de rotacion que cambia cada doas annadas e que desvolopan en òrdre alfabetic los uèch territòris que fan partida de la CTP: Andorra, Aquitania, Aragón, Euskadi, Catalunya, Languedoc-Roussillon, Midi-Pyrénées e Navarra.
