Son objectiu es afortir lo desvolopament sostengut del territòri frontalièr d’Espanha, França e Andòrra mercé al cofinançament de projèctes de cooperacion transfrontalièra dessenhats e administrats per actors dels dos costats dels Pirinèus.
S’agís de la cinquena generacion d’aquel instrument europèu de cooperacion territoriala e compta per aquel novèl periòde amb un budget de 189 milions d’euros en provenença del Fons Europèu de Desvolopament Regional (FEDER). Los fons FEDER administrats per POCTEFA que recébon los projèctes, representan un 65% de son finançament. Atal, POCTEFA 2014-2020 compta amb 189 milions d’euros que representan prèp de 273 milions d’euros del valor total de l’inversion dels projèctes dins lo territòri. Aquel budget se destinarà a afortir una creissença intelligenta, sostenguda e integradora en dralha amb los objectius marcats per l’Estrategia Euròpa 2020. Lo Programa oferís novèlas oportunitats de cooperacion entre institucions e actors dels dos costats dels Pirinèus de las qualas profiecharan los abitants del territòri.
Lo Programa considera que la Comunautat de Trabalh dels Pirenèus (CTP), serà un autre còp l’Autoritat de Gestion del Programa, coma o foguèt del POCTEFA 2007-2013. Lo Programa organiza la seleccion de projèctes a travèrs de cridas de projèctes. Las datas de la primièra crida son dins l’expectativa d’aprovacion e s’anonciaran lèu.
Pendent lo periòde 2014-2020, lo programa confinançarà projèctes que se centran en cercar solucions als problèmas comuns de las regions en encastres coma lo de l’environament, la R+D, la mobilitat, la formacion, etc. per un territòri que comprén prèp de 15 milions d’abitants. Lo Programa se pòt consultar aquí.
