Lo 12 de junh s’acampèt dins lo Palai de Congrèsses de Jaca la Comission de Cultura, Joventut e Espòrt de la Comunautat de Trabalh dels Pirinèus (CTP). Los sòcis de la comission profiecheron per analizar las metas de Kulturpyr (plataforma bastida per la CTP per incitar la cooperacion culturala transfrontalièra) e avançar dins lo dessenh del plan de rota a seguir per mejan d’aquest recors.
Seguenment, los responsables del projècte cultural Litimis Forum expausèron los resultats d’aquela experiéncia ganhaira del Prèmi Joventut de la CTP en 2012. Pendent lo rescontre, se reobriguèt tanben lo debat subre la possibilitat de bastir dins l’avenidor un malhum de Musèus del Pirenèu.
