Mendiak oso garrantzitsuak dira mundu osoko biztanleentzako ur gezaren hornidurari dagokionez, batez ere. Mendietan bizi da munduko biztanleriaren %12 inguru, eta baita animalia eta landare espezie asko eta asko ere. Mendiek oso funtzio garrantzitsua betetzen dute planetaren oreka ekologikoan.     

Mendiaren Nazioarteko Eguna, mendiek planetan duten garrantziaren gainean behar den kontzientzia bultzatzeko, mendien garapen jasangarriak dituen aukerak indartzeko eta mundu osoko mendiei aldaketa positiboa ekarriko dien elkarlana sustatzeko aukera da. 2011ko gaia «Mendiak eta Basoak» izango da. Gai horren bitartez, mendiko basoek duten garrantziaren gainean behar den kontzientzia garatuko da, eta baso horiek ekonomia berdean betetzen duten tokia azpimarratuko da, klimaren aldaketara egokitzeko neurriak ahaztu gabe.

Alor horretan, Espainiako Ingurumen Natural eta Basogintza Politika Zuzendaritza Nagusiak ekitaldi bat antolatuko du, eta PLE-CTP-k bertan hartuko du parte, gai horrekin loturiko ekintzak eta egitasmoak aurkezteko.

Informazio gehiago jasotzeko: http://www.un.org/fr/events/mountainday/about.shtml