Per regions, Aquitaine es la region amb mai de projèctes (24), seguida pel Bascoat (18), Aragon (17) e Midi Pyrénées (16). Tan Catalonha coma Navarra participan amb nòu projèctes e lo Languedoc-Roussillon amb tres.
En las cridas precedentas se recebèron un total de 244 projèctes dels quals finalament 133 foguèron programadas entre 2007 e 2011.
Entre las iniciativas recebudas en aquesta escasença i a projèctes de cooperacion transfrontalièra de l’encastre del torisme, R&D, infrastructuras, transpòrts, urbanisme, formacion, prevencion de risques, musica, etc.
La crida admetiá prepausicions en quin que sián los axes prioritaris del Programa Operacional. Los tres axes son:
• Renfortir la integracion transfrontalièra dins l’encastre de las activitats economicas, d’innovacion e de capital uman.
• Valorizar los territòris e lo patrimòni natural e cultural e los protegir e los gerir d’un biais sostenible.
• Melhorar la qualitat de vida de las populacions a travèrs d’estrategias comunas d’estructuracion territoriala e desvolopament sostenible.
Lo procediment de seleccion dels projèctes se portarà a tèrme en los meses que vénon. Se prevei que lo Comitat de Programacion e seleccion dels projèctes, format per representants de las autoritats publicas que participan dins lo programa, adopte sa decision a la prima de 2014.
