2012, una annada de reflexion que se son celebrats los 30 ans de la creacion de la CTP. S’es poguda avalorar la contribucion de la Comunautat de Trabalh dels Pirenèus dempuèi la siá creacion coma promotora d’accions orientadas a enfortir l’integracion transfrontalièra, a fomentar d’escambis, a identificar de problèmas comuns e a cercar de solucions partejadas. Uèi, la frontièra coma barrièra es solament un remembre e dins aquestes moments de crisis cal collaborar mai que jamai.
2012, una annada d’accion amb l’adesion de l’Organisme Andorran de Cooperacion Transfrontalièra al Consòrci de la Comunautat de Trabalh dels Pirenèus (mai informacions aicí) e la modificacion dels Estatuts del Consòrci; la creacion de Kulturpyr, una basa de donadas culturalas de tot lo territòri de la CTP; las avançadas de l’Observatòri pirenenc del Cambiament climatic; lo lançament del projècte Piremobv sus la mobilitat transfrontalièra; la convocacion de Recèrca, Ulysses… son qualques unas de las accions de la CTP en 2012 a soslinhar.
Per çò qu’es de la CTP coma autoritat de gestion del POCTEFA, cal soslinhar que lo programa a recuperat la normalitat en 2012 après la retirada de l’interrupcion del tèrme de pagaments a la fin de 2011. A l’ora d’ara, lo programa a recuperat la siá evolucion normala e los projèctes an tornat recebre los pagaments. Sens desmembrar lo succès de la segonda convocacion del POCTEFA qu’amb la programacion de 38 projèctes a permés balhar al territòri 30 milions d’èuro de FEDER.
Los enjòcs per 2013
Dempuèi la CTP i a pas cap de dobte qu’en seguint la dralha de la cooperacion, sèm mai fòrts. Totes los territòris son fòrça afectats per la situacion economica e la cooperacion es una alternativa qu’a travèrs de la CTP totes los territòris i son en favor.
Los enjòcs per l’an que ven son fòrça importants. En fòrça aspèctes, per la CTP 2013 va èsser una annada clau.
Aital en 2013, la CTP a la tòca de consolidar e racionalizar lo trabalh de las comissions perque lor trabalh aja encara mai repercussion sul terren e en la cooperacion entre los actors dels nòstres territòris. Dins l’encastre del projècte de l’Observatòri Pirenenc del Cambiament Climatic, per ara, l’orizont temporal es fins a 31 de decembre de 2013. Per la CTP es un axe d’accion màger e se va trabalhar per i seguir a cuert, mejan e long tèrme, del biais qu’aquela tematica o exigís e, quand aurem totes los elements de besonh, poder implantar d’estrategias comunas perque las economias s’adapten a las provocacions del cambiament climatic.
Mas sens cap de dobte, l’enjòc mai grand per la CTP en 2013 es capitar d’èsser autoritat de gestion del programa que ven de cooperacion territoriala Espanha-França-Andòrra 2014-2020. Es un grand assolidatge qu’una entitat coma la CTP gerisca un programa europèu de cooperacion territoriala. Cal pas desmembrar qu’es una experiéncia unica en Euròpa e volèm aver l’escasença de la desvolopar mai encara. Sèm conscients de l’importància e de la transcendéncia d’aquò e del besonh de garentir una gestion d’acòrd amb las coordenadas que marca Euròpa e garantisson l’adequada administracion dels fonzes europèus. En avent fòrça en compte las exigéncias dels reglaments definitius del nòu periòde de programacion (2014-2020) contunharem de trabalhar per que la Comission europèa designe tornarmai la CTP coma autoritat de gestion.
En 2012, avèm tombat las frontièras. En 2013, contunharem de trabalhar perque ne reste pas brica.
Tota la còla de la CTP vos desira de bonas Calendas e una bona annada plan granada e acompanhada.
