Lo 28 d’octobre darrièr, la CTP a organisat a Banhèras-de-Luisson son XXVIIIen Conselh plenièr. Un rendetz-vos pels actors pirenencs qu’a tengut totas sas promessas amb d’espacis de rescontra, de trabalh mas tanben de convivialitat.

Aital, lo Forum de las iniciativas trasfrontalièras es estat una capitada granda amb mai de 500 visitors qu’an pogut barutlar a l’entorn d’estands dels projectes, escambiar amb los beneficiaris del programa europeu POCTEFA, propausar d’ideas… Los quatre talhièrs, « Amenatjament del territòri e infraestructuras », « Formacion e desvolopament economic », « Recerca e desvolopament », e « Environament  e torisme durable » an fach egalament sala comola. Una enquesta de satisfaccion ara va èsser lançada per saber cossí aquestas activitats propausadas dins lo quadre del plenièr son estadas aculhidas e per melhorar encara las rescontras a venir.

Zom sus « 2011, Annada dels Pirenèus »

Lo XXVIIIen Conselh plenièr de la CTP es estat egalament l’escasença de botar un còp de projectors sul projecte « 2011, Annada dels Pirenèus » que va mobilisar l’annada a venir l’ensemble dels actors pirenencs.

A travers aqueste projecte, portat per la CTP, cada membre de la CTP s’engatja dins un anar comun de promocion toristic del territòri pirenenc. Est un ret durable de partenaris, franceses, espanhòls e andorrans que se va mobilisar per enfortir l’atractivitat, la notorietat, l’image dels Pirenèus e menar d’accions visant a presentar los Pirenèus coma una destinacion unica al moment d’eveniments professionals dins lo domeni del torisme

De mai, « 2011, Annada dels Pirenèus », es tanben un plan medià a destinacion de la França, l’Espanha e del Reialme-Unit, un partenariat amb la cadena de television França 3 aital qu’amb las televisions regionalas del versant sud dels Pirenèus (RTVA en Andòrra, Euskal telebista, TV3 en Catalonha e las negociacions son en cors amb las televisons aragonesa e navarresas), un eveniment federator que consistirà, al cors de l’estiu de 2011, a organisar unatraversada pedestra dels Pirenèus amb d’estapas festivas e enfin, tot al long de 2011, d’eveniments culturals, esportius, de conferéncias… sus l’ensemble del territòri.

« 2011, Annada dels Pirenèus » es davant tot un anar de terran. Totes los actors dels Pirenèus son convidats a participar en aqueste projecte en propausant d’eveniments que seràn labellisats « 2011, Annada dels Pirenèus ». Trobarètz lèu en telecargament lo document en francés e en espanhòl, que vos permet de far labellisar vòstre eveniment.

Pour resumir, es un image polit dels Pirenèus e de sos actors qu s’es degatjat, aqueste 28 d’octobre, a Luisson.