Lo 5 d’octobre de 2010, al centre d’interpretacion d’Arcaz (Huesca), lo ret trasfrontalièr de torisme ornitologic Vultouris es estat oficialament presentat. D’institucions d’Aragon, de Navarra e dels Pirenèus-atlantics participan al projecte, còfinançat pel fons FEDER dins lo quadre del programa europeu POCTEFA. De representants de cada partenari èran presents.
Lo projecte VULTOURIS misa sul « torisme durable » coma factor de desvolopament d’aquestes territòris e sus la mesa en valor del patrimòni ornitologic comun. De mai, lo projecte VULTOURIS visa a contribuïr a l’integracion economica e la consolidacion de l’identitat pirenenca de las zonas trasfrontalièras de La Hoya de Huesca (Aragon), La Montanha de Navarra (Navarra) e la Valada d’Ossau (Aquitani), en despartissent l’estrategias de desvolopament local durable e de cooperacion en ret.
L’objectiu consista a agrandir, melhorar e consolidar un ret trasfrontalièr de torisme ornitologic, constituit per sièis centres d’interpretacion suls aucèls caronhièrs pirenencs.
Aprèp la presentacion oficiala del projecte, los participants an pres part a una visita guidada del Centre Arcaz e aital veire per els-meteisses lo material novèl que permet de visionar en direct certans dels nises dels voltors situats dins las parets de « los Mallos ». Aqueste es una de las accions las mai significativas del projecte, puèi que tres dels centres dispausant d’una oferta similara que se revela èsser d’una atractivitat granda pels visitors. L’ambient d’aquesta jornada es estada assegurada pel grop aragonés MikrÓpera, que trabalha a l’entorn d’adaptacions d’operàs per un public d’enfants e familhal.
