Lo VIIen Forum de coproduccion de documentaris aurà luòc lo divendres 23 de setembre de 2011 dins l’encastre del 59en Festenal de Sant Sebastian. L’objectiu principal d’aquel Forum es de propausar un punt de rescontra als professionals del sector audiovisual e cinematografic per fin d’encoratjar las relacions de coproduccion entre los productors de las regions europencas. Al moment d’aquela edicion, l’eveniment serà mercat pel projècte « 2011, Annada dels Pirenèus ».
Aquel Forum organisat per l’IBAIA, l’Associacion dels Productors Audiovisuals Independents del País Basc, s’inscriu dins l’encastre de las activitats de l’Industry Club del Zinemaldia e amassarà, per consequent, de societats de produccion, de professionals del sector, de distributors e de cadenas de television.
De sesilhas de pitching se debanaràn tot al long de la jornada permetent aital als productors de mostrar lors projèctes davant un escapolon de cargats de programas.
Per fin d’optimisar las sinergias entre los projèctes seleccionats e los membres de l’escapolon, de reunions privadas seràn organisadas segon l’òrdre del jorn per fin de discutir dels projèctes d’un biais ordenada.
Per mai d’informacions, clicatz aquí.
