Lo Govèrn de Navarra presentèt lo 27 de març passat la guida Embracing Open Innovation in Europe. A Best Practices Guide on Open innovation Policies (En adoptant l’Innovacion Dubèrta en Euròpa. Una guida de bonas practicas en las politicas d’Innovacion Dubèrta), qu’a coordinat dins l’encastre del projècte europèu Euris, que Navarra n’es region associada amassa amb, Stuttgart (Alemanha), Eindhoven (Olanda), Transdanubia Oèst (Ongria) e Lodz (Polònia).
La guida se dirigís a las entrepresas, universitats, centres tecnologics e responsables del dessenh de politicas d’innovacion, interessats a conéisser d’experiéncias e de programas d’autras regions europèas en modèls d’innovacion dubèrta.
La guida amassa 18 de las melhoras practicas pel sieu impacte regional, entre las 35 identificadas e estudiadas dins lo projècte Euris. Al delà, destacan qualques bonas practicas aportadas per Navarra, com lo Malhum EIBT pel supòrt de la creacion de nòvas entrepresas de basa tecnologica en Navarra, lo Malhum de Centres Tecnologics de Navarra, Retecna o lo Programa d’analisis cooperativas, impulsats pel 3n Plan Tecnologic de Navarra.
Euris a lo sosten del Programa INTERREG IV C, finançat pel Fons Europèu de Desvolopament Regional (FEDER), qu’ajuda a las regions d’Euròpa a trabalhar de conselhs per partejar d’experiéncias e de bonas practicas dins los airals de l’innovacion e l’economia del coneissement.
