Aquitània-Euskadi
9 de Novembre de 2009
L’agéncia transfrontalièra pel desvolopament de l’Eurocitat basca s’es alargada lo 9 de novembre de 2009 a la Vila de San Sebastián e a la Comunautat de comunas Sud País Basc*.
Aquel eveniment es lo signe d’un novèl vam per la cooperacion al còr d’una "Eurocitat" qu’emplena pichon a pichon les cadenons mancants de la continuitat territoriala entre Baiona et San Sebastián.

Lo territòri de l’Eurocitat basca, que representa 600 000 abitants, constitua l’un de principals axes rotièrs del Sud-Oèst de l’Euròpa.
Fòrça atractiu, entre mar et montanha, es tanben un territòri jos pression tant en matèria de saturacion de sos axes de transpòrt que del punt de vista de l’immobiliar et del fonzièr. Al-delà de la gestion de l’urbanisacion e de las questions environamentalas, l’enjòc de la cooperacion es de dotar lo territòri d’una reala continuitat, notadament en tèrmes d’infraestructuras.

Nascuda en 1993, l’ "Eurocitat basca Baiona San Sebastián" s’es estructurada juridicament en 1997 jos la forma d’un gropament europèu d’interès economica (GEIE).

En 1999, avançada importanta, la réalisacion d’un libre blanc a permes d’establir un diagnostic e una estrategia comuna pel territòri transfrontalièr, amb tres objectius principals : créar una platafòrma logistica d’escambis intermodals, estructurar la conurbacion en una "métropòli lineara a maites centres en resal" e protegir e valorisar lo patrimòni. Parallèlament, l’Eurocitat s’es rebatejatda en "Agéncia transfrontalièra" marcant lo passatge d’una mission d’observacion cap una mission mai operacionala de realisacion de projèctes.

En 2008, lo projècte es estat relançat sus dos axes : l’alargament de l’Eurocitat e la relegida del libre blanc sus doas prioritats, la mobilitat e lo desvolopament durable.

A l’ora actuala un estudi sus la mobilitat e los desplaçaments dins l’Eurocitat es en cors. Concernant lo desvolopament durable, las prioritats tematicas son en validacion.

Citam per acabar la parucion fin 2009, d’un guida sus las competéncias dins las diferentas administracions de l’Eurocitat, destinat als portaires de projèctes, als elegits e a las administracions.

En 2009, la cooperacion a doncas plan franquida una novèla estapa sus aquel territòri !

* Fins a present, l’Eurocitat basca èra formada per la Diputación Foral de Gipuzkoa, la Comunautat d’aglomeracion de Baiona-Anglet-Biàrritz et lo Consorcio Bidassoa-Txingudi. Tanben, an demandat lor adesion oficiala (l’ostal de) la comuna de Donostia – San Sebastián e la Comunautat de comunas Sud País Basc, qu’assembla las 12 comunas situadas entre Sant-Joan-de-Luz et Hendaia.
** Comunautat d’aglomeracion Baiona Anglet Biàrritz.

Siti Web