Lo 21 de novembre passat, a Barcelona, los sòcis europèus del projècte Ulisses s’amassèron aculhits per la CTP e pel sieu sòci catalan, la Generalitat de Catalonha.
Mai de 20 sòcis, venguts de tota Euròpa en representant 18 regions transfrontalièras e un desenat de centres d’investigacion, faguèron balanç de las avançadas de lors estudis sus las linhas de melhorament de las politicas d’organizacion del territòri amb la fin de las far çò mai eficaças possible. Aqueles estudis, finançats per la Comission Europèa, seràn a la disposicion de totes los representants politics elegits e dels professionals de las zònas transfrontalièras pendent 2012 per los ajudar a causir lors inversions e lors estrategias per l’organizacion de lors respectius territòris. Lo territòri de la CTP es estat causit coma un dels territòris pilòt e constituís un dels 6 cases estudiats.
