La Mission Opérationnelle Transfrontalière (MOT) a inclús en son darrièr dossièr de projèctes tres operacions cosostengudas pel Programa Operatiu de Cooperacion Territoriala Espanha-França-Andòrra (POCTEFA)
L’organizacion a considerat coma projèctes emblematics desvolopats en las frontièras francesas l’Ospitau Transfrontalièr de la Cerdanha, lo primièr en Euròpa d’aquela categoria; l’Espaci Portalet, una anciana doana qu’es estada transformada en un centre de ressorgas pel territòri de montanha; e Euskadi Express, la linha d’autobus franco-espanhòla que reünís Baiona amb Hendaia dempuèi lo darrièr mes de febrièr.

La MOT, bastida en 1997 pel govèrn francés, trabalha per ajudar los responsables dels projèctes e los territòris transfrontalièrs. Amb l’objectiu d’illustrar lo ròtle de la cooperacion entre païses limitròfs, elabora divèrses dossièrs que son remarcats pels trabalhs realizats e l’impacte qu’an dins la vida quotidiana dels ciutadans.

Aquel darrièr quasèrn recampa un total de 24 projèctes qu’abòrdan divèrses subjèctes coma l’emplec, la recèrca, los transpòrts, l’environament, la santat, l’educacion o la cultura.

Podètz consultar e/o telecargar lo dossièr relatiu al mes d’abrial de 2015 aquí.