A l’iniciativa de la deputada europèa Marie-Thérèse Sanchez-Schmid, una delegacion d’elegits del parlament europèu de la comission del Desvolopament Regional s’es amassada la setmana del 29 d’octòbre sul territòri de la CTP per vesitar de projèctes cofinançats per l’Union europèa a travèrs del programa POCTEFA.
Aqueles deputats venguts del Reialme Unit (País de Galas), de Romania, d’Alemanha, de França, d’Espanha o encara d’Itàlia, an pogut mesurar per eles meteisses l’impacte de la politica europèa de desvolopament regional aital coma los resultats concrets de la politica de sosten a la collaboracion transfrontalièra.
An rescontrat los elegits e d’actors del territòri long del lor sojorn e an vesitat principalament l’Espital transfrontalièr de Cerdanha a Puigcerdà e lo Théâtre de l’Archipel a Perpinhan. President de la comission desvolopament regional dins lo parlament europèu, lo romanés Iosif Matula se mostrèt fòrça satisfach per aquelas vesitas e per aquelas amassadas. Las politicas menadas per l’espital e pel teatre son de modèls per l’Union europèa sus aquel enfocament transfrontalièr. Aquelas visitas nos permetèron de legiferar melhor sus de questions essencialas. Cal que las nòrmas sián mai flexiblas per simplificar los procediments e facilitar l’accès als credits europèus per aquel tipe de projècte. Pel deputat europèu alemand Joachim Zeller, la collaboracion transfrontalière deu èsser presa amb mai d’aima. Se deu poder conversar sus aquò amb la Comission europèa. Es a dire simplificar los procediments, assegurar la continuitat dels finançaments e regular las desparièras preocupacions cara a las disparitats de legislacion entre dos païses membres.

L’avenir de la cooperacion territoriala en jòc

Los representants de la CTP presents se son aital felicitats d’aquela amassada qu’a permés d’abordar amb los eurodeputats, la question dels programas de collaboracion a venir pel periòde 2014/2020 a l’ora d’ara en negociacion. Per en un autre costat, cal soslinhar que los messatges dels elegits e portaires de projèctes de demanda de simplificacion dels procediments de gestion dels fonzes europèus e de l’imperiós besonh de prosseguir l’esfòrç financièr sus la zòna transfrontalièra de la CTP son estats sentits.
Lo film que presenta lo POCTEFA en general a travèrs de desparièrs projèctes desvolopats sus l’ensemble de la zòna transfrontalièra, (vesètz la vidèo aicí) es estat presentat per lor donar una vision mai ampla del programa e del territòri. An preses acte per tornar sul territòri per vesitar d’autres projèctes cofinançats pels fonzes FEDER per mejan del POCTEFA un còp finalizats.