Lo darrièr 7 de novembre, lo POCTEFA organisèt a Pampaluna lo seminari “La cooperacion territoriala: oportunitats passadas, presents e futuras”, per analizar la situacion de la cooperacion territoriala dins l’espaci transfrontalièr Espanha-França-Andòrra.
Aprèp que Dimitri Barua, Representant de la Comission Europèa a Espanha, expliquèsse la vision de l’Union Europèa subre la cooperacion territoriala, lo seminari se centrèt en coma aquela vision se concretava dins los territòris mercè als programas de cooperacion territoriala.
Los tres Organismes Territorials (Oèst, Centre e Èst) foguèron los cargats de presentar los resultats obtenguts per aqueste programa operatiu pendent lo periòde de programacion 2007-2013. La docuweb POCTEFA foguèt utila per explicar los projèctes amb chifras plan concretas, remarcant los impactes e beneficis de la cooperacion territoriala tan pel territòri coma per sos abitants.
Dins d’un segond panèu, son analizadas las perspectivas per l’avenidor e s’es insistit en las oportunitats qu’aportarà als territòris d’aqueste espaci transfrontalièr lo programa operatiu que ven per la frontièra Espanha-França-Andòrra en 2014-2020.