Lo 25 de setembre passat se debanèt la conferéncia de presentacion del projècte TERTROB, Tèrra de Trobadors, dins la municipalitat de Puègnautièr, sòci del projècte.
Lo projècte TERTROB, amb un finançament conjonch de FEDER de 65% a travèrs del programa POCTEFA, a la tòca d’aumentar lo nivèl de competéncia dels sòcis per rapòrt a las arts scenicas, en particular a l’art de Trobar, en mutualisant los espleches de difusion e de mediacion culturala e en desvolopant d’accions conjonchas, amb la tòca d’organizar un sector cultural transfrontalièr innovador e viable economicament.
Lo contèxt del projècte lo trobam tre l’experiéncia menada a tèrme a Puègnautièr dins lo Centre TROBAR Na Loba. Pendent las annadas 1996 a 2002 se creèt un autentic pòle europèu per la recèrca e difusion de l’art de Trobar. Al meteis temps las administracions territorialas an pres consciéncia de l’interès d’aquel art per la valorizacion toristica del patrimòni e mai que mai restacats al passat medieval.
