La Scèna Catalana Transfrontalièira es un projècte europenc dotat d’un finançament FEDER al travèrs del programa europenc POCTEFA pel desvolopament dels espectacles dins l’espaci Catalan Transfrontalièr, a l’entorn dels Fogals Culturals de Perpinhan e de Salt. Son objectiu es de crear un ligam permanent entre doas estructuras consacradas a l’espectacle en dirècte per la creacion e la representacion d’espectacles, fruches de la produccion transfrontalièira comuna.
Al cors de la programacion estivala del Teatre de l´Arquipel (Perpinhan), 4 espectacles de granda qualitat foguèron presentats dins l’encastre del projècte transfrontalièr :
– MONGER de la companhiá israeliana Barack Marshall (dansa). Lo 9 de julh.
– SUITE SEVILLA de la companhiá d’Antonio Najarro (dansa espanhòla). Lo 15 de julh.
– CARMEN de Georges Bizet, direccion de Patrick Poivre d’Arvor e Manon Savary (operà). Lo 23 de julh.
– CHAMPAGNE POUR LES GITANS de Goran Bregovic e l’Orquèstre dels maridatges e dels enterraments. Lo 27 de julh.
En setembre, l’agenda automne-ivern de Perpinhan e de Salt serà publicat. Las suspresas son garantidas !
Per mai d’informacions: www.ect-sct.com.