Aquel collòqui aurà luòc los jorns 7 e 8 de novembre de 2017 dins lo Centre de Congrèsses Le Bellevue de Biarritz.
L’Observatòri Pirenenc del Cambiament Climatic (OPCC) e la Region Nouvelle-Aquitaine, Presidéncia actuala de la Comunautat de Trabalh dels Pirenèus (CTP), organizan lo 2n Collòqui internacional subre cambiament climatic dins las zònas de montanha (PYRADAPT 2017).
L’objectiu del collòqui es bastir un moment d’intercambi de coneissements entre la comunautat cientifica e entitats de caractèr tecnic de tota natura amb la finalitat d’actualizar las basas del coneissement subre l’impacte del cambiament climatic dins las zònas de montanha e soscar subre coma los Pirenèus se pòdon adaptar a aqueles cambiaments.
A mai, las conclusions del collòqui PYRADAPT 2017 se presentaran dins lo Conselh Plenari de la Comunautat de Trabalh dels Pirenèus qu’aurà luòc lo 9 de novembre dins lo meteis Centre de Congrèsses Le Bellevue.
Se t’interèssa obténer mai d’informacion subre lo programa, visita la web del collòqui https://pyradapt.wordpress.com/
Lo 2n Collòqui internacional subre lo cambiament climatic dins las zònas de montanha es organizat dins l’encastre del projècte OPCC2. Lo projècte OPCC2 es associat als projèctes CLIMPY, REPLIM, CANOPEE e FLORAPYR, totes cosostenguts al 65% pel Fons Europèu de Desvolopament Regional (FEDER) a travèrs de l’Interreg V-A Espanha-França-Andòrra (POCTEFA 2014-2020).
