En estiu, las riscas d’incendi augmentan. Es donc l’escasença de presentar lo projècte POCTEFA Princalb consacrat a la prevencion de fuòcs forestièrs.
Mentre que lo fuòc foguèsse totjorn present dins la zòna Mediterranèa, dempuèi pauc la risca d’incendi forestièr es vengut una menaça importanta dins de zònas determinadas d’aquel territòri frontalièr dels Albèras e del Cap de Creus. Aquela risca augmentèt amb l’abandon progressiu de las culturas e dels pasturatges, que provoquèt un acreissement de la carga dels combustibles e la continuïtat de las massas, que favorisan la proliferacion dels Grands Incendis Forestièrs (GIF).
L’objectiu del projècte PRINCALB es de trabalhar conjuntament a la defensa de las ressorsas forestièiras e del patrimòni natural, e a la prevencion de las riscas naturals dins los fuòcs forestièrs qu’afectan la zòna frontalièira de la comuna de L’Alt Empordà (Girona) amb lo territòri francés dels Albèras.
Los membres d’aquel projècte son la Generalitat de Catalunya – Departamento de Medio Ambiente y Vivienda (al travèrs del Servicio de Gestión Forestal de la Dirección General del Medio Natural) e lo Conselh General dels Pirenèus Orientals.
Lo projècte, d’un còst de 1.200.000 € amb un finançament a 65% del FEDER al travèrs del programa europenc POCTEFA, visa a obténer una planificacion e una gestion concertada dels massisses frontalièrs al sens espandit (massís de las Salinas, massís de L’Albera e Cap de Creus) dins l’encastre de la prevencion dels incendis.
Per mai d’informacions: www.princalb.cat
