Cristina Prat, Directora de la CTP, participèt lo 13 de febrièr dins un rescontre transfrontalièr entre entrepresas organizat per INDAR DEVELOPPEMENT, la Cambra de Comèrci e Industria (CCI) de Baiona e la CCI transfrontalièra BIHARTEAN.
Lo public, format principalament per entrepreneires de la zona de la Baisha Navarra, atenguèt a la presentacion de Cristina Prat subre la importància de la cooperacion transfrontalièra e los beneficis del POCTEFA per los abitants dels territòris implicats.

A la seguida, los representants del projècte de desvolopament economic ERAIKINN expliquèron coma identifiquèron las complementarietats economicas entre la Baisha Navarra e las provincias de Guipuscoa e de Biscaia. Los exemples de cooperacion desvolopats entre entrepresas gràcias al projècte ERAIKINN demostrèron los beneficis de la collaboracion entre los dos costats de la termièra.

Lo programa operatiu de cooperacion territoriala Espanha-França-Andòrra (POCTEFA) 2007-2013 administra 168 milions d’euros provenents dels Fons Europèus de Desvolopament Regional (FEDER). Lo principal objectiu del programa es reforçar l’integracion economica e sociala de la zona frontalièra Espanha-França-Andòrra.