Mai de 130 projèctes son lo resultat del Programa de Cooperacion Territoriala Espanha-França-Andòrra (POCTEFA). Aquí te’n prepausam mantunes que pòts conéisser pel pont de mai.
Projècte CIRCULDOUCE: dempuèi Guetaria (Pirinèus Atlantics) al Parc Natural de Bertiz en Navarra passant per Guipuscoa, 80 km de via ciclista qu’ofèrtan als amators del ciclotorisme pobles costièrs, calas sauvatges, montanha… tot un monde per descobrir! Mai d’entre-senhas a: www.euroziklo.com

Projècte ENLLAÇ: anèl ciclotorista de 351 km que travèrsa Girona e los Pirinèus Orientals e permet recórrer la Costa Vermelha, seguir la via del surrealisme de Dalí, descobrir las fèstas tradicionalas e la gastronomia, etc. A pedalar! Mai d’entre-senhas a pirinexus.cat

Projècte RTAPB: Rota del catarisme e de l’edat mejana entre Lhèida e Arièja. Descobrís los luòcs ont s’amaguèron los catares pendent d’annadas; militants d’una fe cristiana confòrme als evangèlis e enemics dels abuses de la Glèisa. Mai d’entre-senhas aquí.

Projècte ANETO: Pendent de sègles, pelegrins, contrabandistas o refugiats utilizèron lo camin qu’unís Benasc (Òsca) amb Luishon (Nauta Garona). Auèi es una rota agradiva (rota 3404) de 24 km amb vistas espectacularas de l’Aneto e sas glacièras, qu’a servit per recuperar las relacions entre los dos vilatges. Joscargar l’App aquí.

Projècte VULTOURIS: Visita los sièis centres d’interpretacion e l’observacion d’aucels situats a Navarra, Òsca e Pirinèus Atlantics e coneis los usatges de sos abitants: gipaèts, marias blancas, voltors fauves, etc. Prepara ton plan a www.vultouris.net