Se l’Andòrra es pas encara qu’a la debuta de son anar de desvolopament durable, lo país a creat jà un salon pionier dins lo domeni amb lo salon « Pirineu Sostenible ». Pròba en es qu’i a agut una presa de consciéncia de l’ensemble dels actors e qu’i a une volontat reala de far passar tot lo país per aqueste processús per li permetre d’acarar las escomessas del futur.

Aqueste salon, precursor, es especialisat dins lo desvolopament durable en montanha mejana e nauta. Amb un rendetz-vos per an, se vòl posicionar coma la referéncia sus l’ais Pirenenc, per ajudar los professionals diverses del sector a se rescontrar e a despartir lor experiéncias.

Aital, los 6 e 7 d’octobre a agut luòc la segonda edicion del salon "Pirineu Sostenible" a la Massana, Andòrra. De novetats dins lo domeni del desvolopament durable son estats aital desvelats amb per exemple dins lo domeni dels transpòrts de las demonstracions de segways, veïcules e forgonetas electrics, veïcules ibrides, veïcules solars.
Son entre 400 e 500 visitors qu’an frequentat lo salon e los retorns son positius. A notar las melhoracions per rapòrt a l’edicion primièra coma l’utilisacion d’espacis novèls. Tot es previst amb l’objectiu de respectar la charta etica del salon qui propausa d’utilisar unicament d’espacis e dels elements existents.
S’agís egalament de sotalinhar que l’organisacion meteissa del salon se dirigís cap a una organisacion 100% durabla (impressions limitadas, acreditacions utilisablas tornamai, estilòs biodegradables, punts de tria selectiu, mobilier de carton…). Al moment de l’edicion a venir, se veniràn apondre de punts de recòlta de las accreditacions, l’utilisacion de vaissella biodegradabla per las pausas – cafè, e ben d’autras causas encara.

Lo salon cerca encara sa plaça e envisatja per las edicions a venir de collaboracions novelas (collegis d’arquitectes e d’ingeniors, maisons comunas e administracions del país aital coma de las regions limitròfas) aital coma la creacion d’una plataforma d’escambi e de despartiment d’informacion traspirenenca per fin de favorisar son desvolopament.

 Per ne saber mai, rendetz-vos sul siti de « Pirineu Sostenible »