Del 18 al 20 de mai 2012, dins l’encastre projècte POCTEFA Pirineos en Red/Réseau Pyrénéen (2010-2012), un congrès sul patrimòni cultural dels Pirenèus “Pirineos en Red” a organizat dins lo Centre de Creacion e Cultura dels Pirenèus ESPACIO PIRINEOS de Graus.
Lo projècte Pirineos en Red/Réseau Pyrénéen, qu’es un projècte cofinançat a 65% per fons FEDER a travèrs del programa POCTEFA, jonh lo centre Espacio Pirineos de Graus dins lo Castèl fòrt – Musèu Pirenenc de Lorda.
Lo Congrès a l’objectiu de la difusion dels resultats del projècte Pirineos en Red, en tot se voler un forum per d’autres projèctes d’interès orientat sus la recuperacion e la difusion del patrimòni cultural dels Pirenèus.
Lo congrès s’articularà a l’entorn de 5 grands blòcs tematics, formats de conferéncias e de comunicacions:
– Patrimòni immaterial e antropologic;
– Patrimòni documentari e fotografic;
– Patrimòni arqueologic;
– Patrimòni istoric e artistic;
– Musèus, malhums e projèctes de collaboracion..
I aurà dins lo congrès un espaci reservat a la presentacion de projèctes, que permetrà d’establir de contactes per la gestion de nòus projèctes. Per un autre costat, lo Congrès, que coincidirà amb la celebracion de la Jornada Internacionala dels Musèus (18 de mai) e la Nuèch dels Musèus (19 de mai), serà acompanhat d’una seguida d’activitats toristicas e culturalas, coma la projeccion del diaporama Pirineos dins lo centre ESPACIO PIRINEOS, una visita guidada del ensemble istoric e artistic de Graus e un espectacle de musicas pirenencas.
L’inscripcion dins lo Congrès es gratuita i dona lo drech d’assistir a las conferéncias, comunicacions e activitats parallelas, aital coma de recebre de complements d’informacion sus las comunicacions e d’autras publicacions restacadas amb lo congrès.
Per obténer aquelas informacions, cal escriure a dire@espaciopirineos.com o visitar lo sit www.espaciopirineos.com
