Lo passat 26 d’octòbre de 2011 se celebrèt a Girona (Catalonha) lo seminari final del projècte PIREFOP, Pirenèus-Formacion Professionala. PIREFOP es un projècte de cooperacion transfrontalièra destinat a refortilhar l’integracion transfrontalièra en metent en valor las complementarietats dins lo domeni de la formacion professionala.

Lo projècte foguèt aprovat pendent la primièra fasa de la Convocacion de projèctes del Programa de Cooperacion Territoriala Espanha-França-Andòrra 2007-2013, amb una durada prevista de tres ans (en octobre de 2008 en decembre de 2011) e un budgèt d’un pauc mai de 1,6 milions d’èuros, dont 65% es finançat amb fons FEDER. Lo Departament d’Ensenhament de la Generalitat de Catalonha es lo cap del projècte e los autres sòcis son lo Conselh Regional d’Aquitània, lo Conselh Regional de Miègjorn-Pirenèus e lo Govèrn d’Aragon.

A partir de l’experiéncia als projèctes gerits dins l’encastre del programa INTERREG III A 2000-2006, los sòcis institucionals del projècte an confirmat lor volontat comuna de contunhar en collaborar per capitalizar lo trabalh emprés ensems e consolidar un marc de cooperacion establa e contunhada dels sistèmas e dispositius de formacion professionala de las regions pirenencas.

Aital, PIREFOP preten melhorar la transparéncia e la reconeissença de las qualificacions professionalas coma un factor d’integracion al mercat de trabalh e de supòrt a la mobilitat transfrontalièra, a l’encòp que favorís la difusion de las innovacions e del saber-far en matèria de formacion professionala entre las administracions de las regions collaboradoras, e tanplan la creacion de formacions comunas qu’armonizen lors correspondents dispositius en fàcia a crear un espaci economic e de formacion als Pirenèus.

Lo projècte s’estructura en tres aisses complementaris: informacion, orientacion, comunicacion e mesa en resal; transparéncia e correspondéncia de las qualificacions e, fin finala, mobilitat transfrontalièra.

Analisi dels primièrs resultats

Los resultats presentats pendent lo seminari de clausura del projècte son lo fruch del trabalh comun dels desparièrs sistèmas de formacion professionala per avançar cap a la transparéncia e la correspondéncia de las qualificacions professionalas dels sectors que son objècte d’estudi: cosina, energias renovelablas, santat, espòrts e automobila. De faiçon parallela, mai concrètament per çò qu’es de la promocion de la mobilitat, s’agís de metre l’accent sul fach que se son menats a tèrme mai de 300 estagis de formacion en 250 entrepresas de las desparièras regions collaboradoras e qu’an participat 34 centres de formacion.

PIREFOP a representat una chança per consolidar e agrandir los entorns e los resals estables de cooperacion dins lo domeni de la formacion professionala e dins lo contèxte pirenenc, entre administracions regionalas, centres de formacion de desparièras regions, centres de formacion e entrepresas.