Del 4 d’octobre al 31 de decembre de 2011, lo Museum d’Istòria Naturala de Tolosa vos dubrís sas pòrtas per descobrir sa nòva mòstra temporària : « Objectiu Pirenèus ».
Eveniment de la Novela de 2011 (http://novela.toulouse.fr/accueil), aquela mòstra foguèt tanben labellisada al títol de « 2011, Annada dels Pirenèus », anar de promocion del Massís menada per la Comunautat de Trabalh dels Pirenèus.
Aital, pendent prèp de 3 meses, lo Museum d’Istòria Naturala de Tolosa vos convida a travèrs aquela mòstra a la descoberta dels paisatges pirenencs sus las pesadas d’Eugèni Trutat, fotograf e actor essencial de la cultura scientifica a Tolosa pendent la 2nda mitat del sègle XIX.
Las placas fotograficas realisadas per aquel curiós de « natura » vos permetràn de comprene l’espaci pirenenc dins tota son envergadura, sa diversitat e sa dinamica.
Gràcias an aquel fons fotografic, compausat d’a pauc près 15 000 clichats, e an un dispositiu museografic original, serètz menats a tornar descobrir e comprene l’espaci pirenenc, d’ièr e d’uèi.
Per marcar las constantas del paisatge, o soslinhar las evolucions naturalas e las mutacions antropicas, las fotografias realisadas per Trutat son a costat d’imatges contemporanèus realisats per de cercaires contemporanèus (laboratòri GÉODE).
Doas installacions multimédia originalas vos permetràn tanben d’estimar lo massís dels Pirenèus en 3 dimensions e d’acquerir una vision dinamica de la natura que vos enròda.
Aquela mòstra, facha en mantunas lengas, partirà en 2012 per un rondatge d’itinerància transitant pels diferents territòris de la CTP.
Aimatz los Pirenèus ? 1,2,3, partissètz…
Objectiu Museum : sus las pesadas d’Eugèni Trutat
