Ès artista e as entre 14 e 30 ans? Participa al concors d’art » Frontièra, espaci de cooperacion» e poiràs far partida de l’exposicion itineranta eponima que se debanarà tre la davalada de 2012 dins la zòna frontalièra Espanha-França-Andòrra. Al delà, poiràs ganhar fins a 3000 € en materials o en formacion artistica segon la tiá causida.
Vòls participar? Es fòrça simple. Te cal pas qu’èsser un artista jove de la zòna frontalièra, realizar una òbra sul tèma "Frontièra, espaci de cooperacion" e mandar lo dossier de candidatura abans lo 30 de junh de 2012. Un jurat d’artistas e d’expèrts en art procedent dels territòris frontalièrs seleccionarà las òbras que faràn partida de l’exposicion e premiarà los tres melhors trabalhs: Categoria 14-18 ans (dotat de 1000 € en materials o en formacion), categoria Artista jove (dotat de 1000 € en materials o en formacion) e lo Grand Prèmi (dotat de 3000 € en materials o en formacion).
As de talent? Participa e benlèu la tiá òbra s’expausarà dins la Sala d’Armas de la Ciutadèla, a Pamplona, tre lo 17 de setembre e aprèp dins de desparièras salas de tot lo territòri frontalièr.
________________
La Comunitat de Trabalh dels Pirenèus, coma autoritat de gestion del POCTEFA organiza lo concors "Frontièra, espaci de cooperacion"
Lo Malhum europèu Interact, amb lo sosten de la Comission europèa organiza Lo jorn de la cooperacion europèa, lo 21 de setembre de 2012.
Dins aquel encastre, se celebrarà dins cada frontièra la cooperacion territoriala dins l’Union europèa a travèrs de nombroses eveniments per difóner entre los ciutadans europèus l’accion de l’Union europèa dins l’encastre de la cooperacion territoriala e reivindicar la cooperacion coma un dels aisses fondamentales de la construccion europèa.
La CTP, coma autoritat de gestion del programa europèu POCTEFA, organiza un concors d’art amb la tòca de preparar una exposicion itineranta que se lançarà lo 17 de setembre a Pamplona e qu’après recorrerà los territòris de la zòna elegibla al POCTEFA.
_________________
Joscarga lo reulament (espanhòl e francés) e lo dossier de candidatura (espanhòl e francés)
Contacte
Sonia Aizpuru, responsabla de comunicacion de la CTP
s.laizpuru@poctefa.eu
tel. +34 974 36 37 18
Mikeldi Miranda
m.miranda@ctp.org
tel. +34 974 35 55 17
