Los jorns 24 e 25 d’abrial se debanèron unas jornadas de trabalh a Andòrra dins l’encastre de l’Observatòri Pirenenc del Cambiament Climatic (OPCC).
La tòca d’aquelas jornadas foguèt establir las basas futuras d’una estrategia de cooperacion dins l’encastre del cambiament climatic un còp acabarà lo projècte OPCC-POCTEFA lo 31 de mai que ven. Dins l’encastre, i participèron los referents tecnics de las regions que fan partida de l’observatòri, la direccion e la presidéncia de la Comunautat de Trabalh dels Pirenèus (CTP) e la coordinadora de l’OPCC.
Aqueste rescontre a permés avançar en l’elaboracion d’un plan d’accion e mecanismes de foncionament al nivèl de la gobernança per la fasa que ven de desvolopament de l’Observatòri.
Actualament, los sòcis de l’OPCC son a trabalhar en la presentacion dels resultats del projècte OPCC EFA 235/11 que se publicaran al web las setmanas que vénon.
