L’Associacion de Regions Frontalièras d’Euròpa (ARFE) convòca lo prèmi, que se liurarà pendent la celebracion de la Conferéncia Annala e Assemblada Generala 2012 que se debanarà a Berlin los 8 e 9 de novembre. Lo tèrme de presentacion de candidaturas es fins lo 20 de setembre.
L’ARFE vòl aunorar los assolidatges capitats dins l’encastre de la cooperacion transfrontalièra dins d’airals coma la cultura, l’economia, las relacions politicas, laboralas e socialas.
Jol lèma “La mobilitat transfrontalièra del mercat de trabalh: d’experiéncias, de problèmas e d’enjòcs”, l’Associacion de Regions Frontalièras d’Euròpa cerca tanben de motivar las desparièras regions frontalièras per que contribuiscan a crear un espaci comun que melhore las relacions entre païses e se contribuisca a l’integracion europèa.
Pòdon optar al guerdon las entitats qu’estimulen la cooperacion e lo bon vesinatge a travèrs dels sieus projèctes en presentant las mesuras e/o quitament los assolidatges globals e los esfòrces, las estrategias, etc. que menan a tèrme per melhorar l’entorn d’una region transfrontalièra.
E mai se lo Prèmi “Vela de Papenburg” es davant tota una reconeissença de prestigi, en de circonstàncias excepcionalas lo prèmi poiriá se concedir per balhar de sosten economic als esfòrces realizats per una region en particular.
