L’Isped (Institut de Santat publica, d’epidemiologiá e de desvolopament), adscrit a l’Universitat de Bordèu Segalen, presenta per l’annada academica que ven 2013-2014, un mastèr transfrontalièr per la promocion de la santat en collaboracion amb l’Escòla Universitària d’Estudis Sanitaris de l’Universitat Publica de Navarra.
Lo Mastèr universitari en Promocion de la Santat e Desvolopament Social a coma tòca formar de professionals dins lo camp de la santat que sián capables de dessenhar, implementar e avaluar programas de qualitat dins l’encastre sanitari. Es sostengut economicament per las regions d’Aquitània e Navarra, e respon a un bessonh d’afrontar una demanda mai importanta de professionals dins lo sector de la gestion e la promocion de projèctes dins l’encastre de la santat dins las regions d’Aquitània e Navarra.
Lo mastèr a un caracter semi presencial, amb una formacion tecnica on line e una formacion practica presencial de 16 setmanas. Sa duracion es d’una annada (60 credits ECTS) e los escolans que capiten lo programa d’estudi auran un títol doble de Mastèr francès e espanhòl.
Per mai informacion, cal far clic aquí.
