Una nòva platafòrma de collaboracion qu’a engatjat las autoritats localas e regionalas d’Euròpa en la mesa en òbra de la lei d’environament de l’Union europèa es estada lançada lo 5 de decembre a Brussellas. Lo lançament coincidís amb las proposicions publicadas una setmana abans per la Comission europèa sul 7n Programa d’accion per l’environament.
Aquela nòva platafòrma preten melhorar l’escambi d’informacions, encoratjar lo dialòg entre las institucions e engatjar las autoritats localas e regionalas al melhorament de la mesa en òbra d’una lei per l’environament de l’Union europèa.
Aquela iniciativa respond al besonh d’implicar las autoritats localas e regionalas en la mesa en òbra d’una politica environamentala de l’Union europèa.
La platafòrma tecnica aurà tenguda 2 còps per ans e serà coorganizada pel Comitat de las Regions “Comission per l’Environament, lo Cambiament climatic e l’Energia” e la Direccion generala per l’Environament de la Comission europèa, en collaboracion amb autoritats localas e regionalas. La primièra reünion es prevista per la Setmana Verda de l’UE en junh 2013 e l’accent serà mes sus la mesa en òbra de legislacion de qualitat de l’aire de l’Union europèa per d’autoritats localas e regionalas.
