En totas las imatges presentadas a concors dévon aparéisser personas que realizan una activitat als Pirinèus.
La Comunautat de Trabalh dels Pirinèus convoca un novèl concors de fotografia. Jol nom ‘Cossí profitas dels Pirinèus?’, lo concors perseguís valorar e far conéisser a travèrs de la fotografia las causidas culturalas e de léser qu’oferís lo territòri de la Comunautat de Trabalhs dels Pirenèus. En totas las imatges presentadas a concors dévon aparéisser personas que realizan una activitat als Pirinèus.
I pòt participar qual que siá de mai de 18 ans mandant sas fotografias del 8 d’octobre al 6 de novembre a l’adreça de corrièr electronic ctppoctefa@gmail.com. Lo ganhaire obtendrà un sejorn de doas nuèits a l’ostalariá Reina Felicia de Jaca, comuna al pè dels Pirenèus amb una larga ofèrta de lèser e sèti de la CTP dempuèi fa mai de trenta annadas.
Per participar al concors, lo candidat deu èsser partisan de la CTP a Twitter (@ctppoctefa) o far clic a “m’agrada” dins sa pagina de Facebook (Communauté de Travail des Pyrénées/Comunidad de Trabajo de los Pirineos).
Las imatges presentadas al concors seran publicas a travèrs dels malhums socials jos lo hashtag #PirineusEuropeus. S’ès tanben un apassionat dels Pirinèus, as pas cap excusa. Participa!
Consulta las basas completas del concors en aquel ligam.
