Dins qualques jorns, lo 25 de junh, començarà la Granda Randonada dels Pirenèus, grand eveniment de l’annada 2011, Annada dels Pirenèus. Aquela Granda Randonada percorirà del 25 de junh al 9 de julh l’ensem dels Pirenèus. A partir de l’Atlantica (Fontarabia) e de la Mediterranèa (Còtliure), vistalhant los luòcs pirenencs los mai polits, quatre percorses e una seria d’environ 60 estapas que combinaràn transpòrt en autòbus e passejadas entre 3 e 6 oras, convergiràn al còr dels Pirenèus, dins la Valada d’Azun.

Las passejadas cobriràn un desnivelat compres entre 400 e 800 mètres e percoriràn los luòcs emblematics dels Pirenèus. Tot aquò amb una granda escomesa ecologica : dels Pirenèus mai nets aprèp lo passatge de la Randonada.
En mai de las passejadas, los participants poiràn profechar de visitas de luòcs emblematics, musèus, vilatges… Mai qu’una granda randonada, es una oportunitat excepcionala per (tornar) descobrir e profechar de la cultura, la gastronomia, la natura, l’istòria e d’abitants dels Pirenèus.
 
Aital, en mai d’utilisar de dralhas totes los jorns, 8 estapas festivas foguèron programadas (una per territòri) al cors de lasqualas la randonada serà combinada a de festas que mostraràn la cultura, la gastronomia e las tradicions de cada territòri.
 
Las estapas festivas son las seguentas :
 
•     Lo 25 de junh Fontarabia (Euscadi)
•     Lo 25 de junh Còtliure (Lengadòc-Rosselhon)
•     Lo 28 de junh Puigcerdà (Catalonha)
•     Lo 29 de junh Escaldes-Engordany (Andòrra)
•     Lo 1 de julh Ochagavía (Navarra)
•     Lo 5 de julh Bielsa (Aragon)
•     Lo 7 de julh Laruns (Aquitània)
•     Lo 9 de julh Arrens-Marsous (Miègjorn-Pirenèus)