La novena edicion de PIRENAICA se tendrà al mes de julh que ven, dins l’encastre del projècte “2011, Annada dels Pirenèus”. S’agís d’una caminada ciclotoristica internacionala fòra competicion per estapas, viatge en bicicleta dins los Pirenèus que passa per de còls mitics e descobrís de paisatges unics.

Una granda partida dels Pirenèus serà percoreguda, a partir d’Urzainki (Navarra) e a travèrs los Pirenèus de Huesca, los Pirenèus Nauts, lo Val d’Aran, los Pirenèus Atlantics e Iparralde. Quatre grops faràn la caminada a de datas diferentas : lo grop 1 del 4 al 9 de julh, lo grop 2 del 18 al 23 de julh, lo grop 3 del 25 al 30 de julh e lo grop 4 del 1er al 6 d’agost.
De mai, lo 20en aniversari del primièr Torn ganhat pel pairin de l’espròva, Miguel Indurain, serà celebrat aquela annada. Per aquela rason, serà dins la PIRENAICA (amb lo grop 3) per efectuar l’estapa Luz-Val Louron, es-a-dire l’estapa que lo vegèt portar pel primièr còp lo malhòt jaune. En son onor, lo malhòt PIRENAICA-INDURAIN 20 AÑOS foguèt creat.

Per mai d’informacions : www.pirenaica.com e www.pirineo.eu.