Lo Salon Destinacion Natura, que a luòc los 25, 26 e 27 de març a París, es una oportunitat unica per los qu’aiman la randonada e totes los qu’an pas ancara decidit de la destinacion de lors vacanças. I poiràn trobar de nombrosas ofèrtas: polidas escapadas, pasdsejadas segon totes los temas e per totes los estils (natura, romantisme, solidaritat, gastronomia, cultura, fauna e flòra, espòrts…), viatges dins de luòcs extraordinaris … E demest tot aquò, aquela annada en particular: Los Pirenèus, convidat d’onor del salon.
Dins l’encastre del projècte 2011 Annada dels Pirenèus, las quatre Comunautats Autonòmas, las 3 regions francesas e Andòrra van aculhir conjuntament aquel Salon per festar e promòure los Pirenèus.
Dins aquel estand de 80 mètres carrats, al cors de las tres jornadas, serà possible de profechar de degustacions, per exemple de fromatge del Roncal (Navarra), de vin del Miègjorn-Pirenèus, de divèrsa animacions, de fotòs, videòs… que convidaràn a descobrir las caras multiplas e ricas dels Pirenèus.
Totes los que li rendràn visita auràn tanben la possibilitat de participar a un tiratge al sòrt per ganhar de dimenjadas dins los Pirenèus e se poiràn inscriure a La Granda Traversada que, del 25 de junh al 9 de julh percorirà l’ensem del territòri pirenenc de la Mediterranèa a l’Atlantica.
E aprèp París… Bordeus!
E per contunhar aquela promocion conjunta, dins l’encastre d’aquel projècte, los representants de cada territòri participaràn al Salon Rendètz-Vos França, organisat per Atost França. Aquel salon de professionals del torisme qu’a luòc los 29 e 30 de març a Bordeus es una rescontra de mai de 900 torn-operators del mond entièr e representa una granda oportunitat per la promocion e (re)valorisacion dels Pirenèus.
Pour plus d’informations : www.pyrineo.eu
