La coordinadora de l’Observatòri Pirenenc del Cambiament Climatic, Idoia Arauzo, es anada a la conferéncia “Societat civila, vilas e regions que se preparan per al COP21 e mai enlà” organizada lo pel Comitat de las Regions (COR) e lo Comitat Europèu Economic e Social (CESE)
L’assisténcia a aquel acamp s’enquadra dins las activitats prealablas a sa participacion dins la Conferéncia de las Partidas de la Convencion Cadre de las Nacions Unidas subre lo Cambiament Climatic (COP21) que ven i que se debanarà a París fins a l’11 de desembre.
Aquela Conferéncia Publica foguèt organizada lo 19 de novembre de 2015 pel Comitat de las Regions (COR) e lo Comitat Europèu Economic e Social (CESE). Segon s’expausèt en Brussèla, lo CESE sosten, en general, la posicion de l’Union Europèa fàcia a la COP21 (e son engatjament per reduire lo 20% d’emissions per 2030 e lo 80% per 2050) e es favorable a que l’acòrd de París siá juridicament inalienable.
Lo messatge principal donat pels representants de las regions e dels govèrns locals dins lo desvolopament d’aquela conferéncia se referissiá al fach que la governança internacionala a pas evoluat al meteis temps qu’o a fach la globalizacion de l’economia, la societat e los fluxes de las ressorças naturalas. Atal, se mencionèt que los govèrns estatals e los mecanismes intergovernamentals an de limitacions per poder far fàcia als desfisses environamentals.
Dins d’aquel encastre, lo ròtle dels govèrns locals, de la societat civila e d’autres agropaments d’interesses es imprescindible per implementar accions concretas dins los territòris. E aquel ròtle es cada còp mai reconegut per la majoritat d’estats, encara qu’es pas pro.
En aquel sens, l’Observatòri Pirenenc del Cambiament Climatic (OPCC) es un exemple d’iniciativa transfrontalièra promoguda dempuèi govèrns locals. L’Observatòri Pirenenc publica estudis e monitoriza l’impacte del cambiament climatic dins los ecosistemas naturals e los sectors socioeconomics per ajudar los territòris del massís pirenenc a èsser mai resilients.
