Pampalona aculhirà lo jorn 6 de novembre que ven lo primièr Collòqui internacional sus cambiament climatic dins las zònas de montanha, una ocasion unica per conéisser las bonas practicas desvolopadas dins cada territòri per afrontar aquel enjòc important.

Jol lèma “Observar per s’adaptar” l’Observatòri Pirenenc del Cambiament Climatic (OPCC) celebrarà dins la capitala navarresa lo sieu eveniment fin de projècte. A l’amassada i assistiràn de scientifics, d’autoritats europèas, nacionalas e regionalas, d’agents socials e economics… Eles analisaràn la situacion actuala e las perspectivas de l’avenir d’un espaci mai que mai sensible a las alteracions del climat coma son las zònas de montanha. S’examinaràn tanben amb una atencion especiala las desparièras estrategias d’adaptacion caldrà menar a tèrme dins aqueste nòu contèxt climatic.

Lo Collòqui servirà a tanben presentar lo trabalh que l’OPCC a desvolopat long de las annadas a travèrs dels sieus sòcis en de tèmas coma l’aiga, los bòsques, los risques naturals, la biodiversitat o los espleches de teledeteccion.

L’OPCC es una iniciativa innovanta a nivèl europèu per l’estudi del cambiament climatic dins las zònas de montanha. Es estat començat per la Comunitat de Trabalh dels Pirenèus (CTP) e a comptat amb lo finançament del Programa Operatiu de Cooperacion Territoriala Espanha-França-Andòrra 2007-2013 (POCTEFA).

Mai d’informacions