Refbio, lo Malhum Transfrontalièr de Recèrca Biomedicala de los Pirenèus, foguèt presentat en Brussèlas coma exemple de bona practica en cooperacion transfrontalièra dins l’encastre de la celebracion de la XIII Setmana Europèa de las vilas e regions. Lo projècte foguèt sostengut pel POCTEFA 2007-2013 e actualament es a preparar sa segonda fasa
Marisol Fragoso, directora de gestion de Navarrabiomed –entitat que mena lo projècte- participèt dins lo talhièr dedicat a “L’impacte creissent de l’innovacion sanitària dins las economias regionalas”, ont donèt a conéisser a representats de la Comission Europèa e a responsables d’autras d’iniciativas europèas dins l’airal de santat, las capitadas e los resultats de Refbio en sas primièras annadas de debanadura. Lo malhum a activat 18 projèctes de recèrca ont an participat 2.000 cercaires.
Atal, Fragoso profechèt per avançar quauques novetats e desfísses que l’entitat e sos sòcis abordaran dins la segonda fasa del projècte que presentaran a las cridas del POCTEFA 2014-2020. En donar a conéisser la seguida del projècte, las entitats que l’integran vòlon potenciar la collaboracion, afavorint l’innovacion, transferiment e explotacion de resultats de C+D vers las entrepresas e clusters.
Lo malhum, menat per Navarrabiomed – Fundacion Miguel Servet, foguèt creat en 2012 e acampa mantunas entitats espanhòlas e francesas. Refbio foguèt concebuda per establir un malhum de collaboracion entre centres de cerca biomedica en airals rellevants per la santat dins l’espaci dels Pireneus. Un altres de sos objectius foguèt promoure projèctes de recèrca competititus al nivèl europèu e contribuir atal a la melhora de la relacion e la vinculacion entre espitals, centres de recèrca e universitats:
Coneis aquí totes los detalhs sobre Refbio.
