La DATAR, delegacion del govèrn francés per la coordinacion de las politicas d’organizacion del territòri, organizèt lo 19 de setembre passat a París un seminari suls sistèmas de gestion e suls contraròtles dins los programas de Cooperacion Territoriala Europèa (CTE).
Lo seminari amassèt a París de tecnicians procedents de divèrses programas europèus de cooperacion territoriala, qu’aportèron lors experiéncias per rapòrt als contraròtles e a la gestion financièra dels projèctes dins lo periòde 2007-2013. Aquela amassada serviguèt tanben a escambiar d’informacions e a debatre sus las evolucions dins los sistèmas de gestion e contraròtle dels projèctes europèus dins l’avenir.
Lo Secretariat Tecnic Conjunt (STC) del POCTEFA participèt d’aquel seminari per explicar los avantatges e los inconvenientes detectats dins los contraròtles e la gestion financièra realizada suls projèctes POCTEFA dins lo periòde de programacion passat, e per prepausar de melhoraments fàcia al periòde 2014-2020.
