Lo periòd d’inscripcion a la 9ena edicion de la Setmana Europenca de las Vilas e de las Regions es duberta fins al 28 de setembre que ven. Las jornadas son dedicadas a l’escambi d’experiéncias de dialòg entre las regions e las institucions de l’Union Europenca, e se tendràn a Brussèlas entre lo 10 e lo 13 d’octobre de 2011. Comprendràn de seminaris, de talhièrs e de mòstras principalament organisats a partir dels partenariats regionals.
Lo ròtle de la politica de coesion e dels fonses estructurals dins l’Estrategia Euròpa de 2020, l’eficacitat majora de la politica de coesion en vista del quadre financièr de 2013 que ven, l’avenir de la cooperacion Territoriala e las bonas praticas dels países tèrces, son de subjèctes que seràn abordats pendent los OPEN DAYS.
