A la seguida de l’amassada del Comitat de programacion del Programa de Collaboracion Territoriala Espanha-França-Andòrra 2007-2013 (POCTEFA), lo dimars 7 de febrièr, a Pamplona, la Comunitat de Trabalh dels Pirenèus (CTP), Autoritat de Gestion del POCTEFA, anoncèt la reservacion de 30 milions d’èuros de FEDER pel territòri transfrontalièr a travèrs de la programacion de 38 projèctes.
La CTP soslinha l’impacte positiu qu’aquela programacion aguèt sul territòri e sus la collaboracion transfrontalièra entre Espanha, França e Andòrra.
Lo Programa Operacional de Collaboracion Territoriala Espanha-França-Andòrra es finançat per l’Union europèa per un budgèt total d’aperaquí 168 milions d’èuros del Fons Europèu de Desvolopament Regional (FEDER). Lo taus d’intervencion del FEDER a establit a nautor de 65% del còst total elegible de las operacions. La quantitat restanta per aquela crida a projèctes, lançada en febrièr 2011, s’elevava a 30 milions d’èuros de FEDER.
A la seguida de la clausura d’aquela crida a projèctes en mai 2011, la CTP enregistrava 91 candidaturas per un montant de mai de 84 milions d’èuros. Lo succès d’aquela crida a projèctes e la qualitat dels projèctes an rendut las decisions del Comitat de programacion plan malaisidas en prene en compte la quantitat disponibla e la CTP planh que lo nombre de projèctes de plan bona qualitat aja pas pogut èsser retengut per manca de fons disponibles.
Telecargatz la lista dels projèctes programats en francés e en castelhan
Amassada del Comitat de Programacion del POCTEFA, lo 7 de febrièr 2012 a Pamplona. Es composada per de representants de las Comunitats autonòmas, de l’Estat espanhòl e de las autoritats environalas del costat sud e de representants de las regions, dels departaments, de l’Estat francés a travèrs de las prefecturas, del Commissariat de Massif à l’Aménagement des Pyrénées (Commissariat de Massís a l’Amenatjament dels Pirenèus) e de l’autoritat environala del costat nòrd. Aquela composicion velha totjorn a una representacion paritària entre Espanha e França.
